北角東岸板道｜「躍動板道 · 潮聚東區」2025東區新興運動體驗日

活動簡介

新興運動嚟到東區啦！今個周六日（30-31/8）北角東岸板道將會舉行「躍動板道·潮聚東區」2025東區新興運動體驗日。活動由東區青年組織「藤絡」主辦，東區民政事務處及中國香港新興運動協會合辦。

我哋東區未來嘅主人翁，將會喺東岸板道不同位置引進體驗攤位，俾街坊朋友親身嘗試多款易上手、好好玩、老幼咸宜兼且日益流行嘅新興運動，好似匹克球、桌上冰壺、芬蘭木棋、躲避球同布袋球。

各位街坊朋友萬勿錯過，感受東區優美海濱既動感活力！